Новости проекта
Отвечаем на ваши вопросы!
Важные моменты в Инструктивно-методическом письме
Новинка! Отчеты по ведению электронного журнала
Конкурс продолжается!
Выставка "Образование и карьера 2019"
Голосование
Что для вас шестой школьный день?
Всего 39 человек
Голосование
Чем чаще всего вы занимаетесь в свободное время?
Всего 122 человека
Голосование
Нравится ли Вам сайт?
Всего 285 человек

Газета "ЗВЯЗДА"

Дата: 2 сентября 2016 в 12:07, Обновлено 5 декабря 2016 в 09:45

Все материалы взяты с официального сайта газетыPublishing House Star

Хатняя старонка » Грамадства » У Навагрудскім раёне з'явілася школьнае лясніцтва

У Навагрудскім раёне з'явілася школьнае лясніцтва


Як дастукацца да дзіцячых сэрцаў? Як зрабіць жыццё сельскіх школьнікаў больш яскравым, паўнацэнным, змястоўным? Над гэтым мы працуем даўно, адкрываючы новыя формы баўлення вольнага часу. Гэты год таксама стаў адметным: у нас з'явілася школьнае лясніцтва.


Але спачатку адміністрацыя Навагрудскага лясгаса прапанавала нам правесці экскурсію па тэрыторыі іх гаспадаркі. Ахвотных набралася больш за 20 чалавек, хоць надвор'е не зусім спрыяла. Адразу дзеці трапілі ў пітомнік, дзе ўбачылі зусім маленькія, кволыя елачкі, якія толькі-толькі набіралі моц — так бы мовіць, дрэўцы «ясельнай групы». «Хацелася дакрануцца да гэтай прыгажосці, хацелася дапамагчы ім вырасці!» — казала адна з удзельніц экскурсіі.

Затым мы перайшлі ў зону маладой пасадкі, дзе дрэўцы пакрысе набіралі моц, дзе галінкі самых жвавых елачак з зайздросным імпэтам імкнуліся ўвысь.

Ну а далей...

Далей нас сустрэў «вялікаўзроставы» ельнік, дзе побач з веліччу дарослых дрэў хацелася проста памаўчаць.

Здавалася б, а што тут такога? Звычайная паездка ў звычайны лясгас, у яловы лес... Але ж і нам, дарослым, і нашым дзецям так часта не хапае менавіта звычайнага, чалавечага. Дзеці паназіралі за ростам дрэў — ад нараджэння да сталасці. Яны, спадзяюся, зразумелі, якой важнай справай займаюцца людзі, што працуюць у лясгасе.

Цяпер мы з падвоеным жаданнем будзем удзельнічаць у акцыях «Наш лес» па добраўпарадкаванні лясных насаджэнняў і «Пасадзі дрэва», цяпер у нас з'явіцца яшчэ больш кармушак і шпакоўняў... І няхай нашы мерапрыемствы камусьці здадуцца простымі і немудрагелістымі — менавіта яны без лішніх слоў кранаюць дзіцячыя душы.

Аксана ЗАСАДЗІНСКАЯ,

намеснік дырэктара па выхаваўчай рабоце Пятрэвіцкага дзіцячага сада-сярэдняй школы Навагрудскага раёна

Фо­та На­тал­лі ЮШ­КЕ­ВІЧ

Загаловак у газеце: Любоў без лішніх слоў

Нам ёсць што ўспомніць

У нашай школе жыццё б'е крыніцай (гэты год выдаўся асабліва плённым на перамогі ў розных конкурсах і прадметных алімпіядах). Таму добра адпачыць павінны былі ўсе — і дзеці, і дарослыя.


Гас­па­ды­ні «джунг­ляў».

Гас­па­ды­ні «джунг­ляў».

Старт актыўнаму і пазітыўнаму адпачынку быў дадзены ў канцы мая — падчас турыстычнага злёту работнікаў адукацыі Навагрудскага раёна на славутым возеры Літоўка, дзе настаўнікі выступалі ў ролі... членаў індзейскага племені «Петравічачы». З'явілася ўнікальная магчымасць самім быць удзельнікамі мерапрыемстваў, у якіх звычайна задзейнічаны нашы дзеці. Мы станавіліся на паласу перашкод, перапраўляліся па навясных пераправах, прапаўзалі праз пастку, спрабавалі «не патануць» на гаці, шукалі пікеты падчас спартыўнага арыентавання...

Ціха патрэсквае вогнішча, меладычна гучыць гітара, прыемны голас спявае пра навагрудскія прасторы... Цяпер мы, педагогі, ужо не зайздросцім такім момантам, якія часта выпадаюць на долю нашых падапечных — вучняў. Таму што на іх месцы пабывалі самі.

Азда­раў­лен­чы ла­гер «Со­ней­ка».

Азда­раў­лен­чы ла­гер «Со­ней­ка».

А далей... Далей — аздараўленчы летнік на базе школы, дзе ў дзяцей ёсць магчымасць адпачыць. Бацькам не трэба ставіць будзільнік на пэўны час — у «Загадкавых джунглях» школьнікі ўстаюць без званкоў, тым больш што праграма тут насычаная: сустрэча з казачнымі героямі (у ролі герояў — валанцёры-старшакласнікі), прадстаўнікамі дэпартамента аховы і аддзела па надзвычайных сітуацыях Навагрудскага раёна, нанясенне маршрутаў на карту «джунгляў», удзел у злёце бабак-ёжак, сустрэча з камнем-правадніком, наведванне кінатэатра, этнамузея, дзе дазваляецца самастойна саткаць маленькі кавалачак тканіны з лёну... Так адпачывалі самыя маленькія жыхары нашай школьнай краіны. Усе астатнія дзеці размеркаваліся па ўзроставых валанцёрскіх атрадах па месцы жыхарства. Спраў было шмат: трэба было даглядаць крынічку ля возера Лаўцоўскае, якой далі другое жыццё два гады таму; наведваць угоддзі Навагрудскага лясгаса (бо з красавіка на базе школы створана школьнае лясніцтва); вывучаць гісторыю вёсак, якія зніклі з карты мясцовасці; выступаць на сцэне сельскага Дома культуры; дапамагаць і маленькім, і зусім старэнькім жыхарам аграгарадка... І гэта трэба было рабіць удзень — бо вечарам усе збіраліся на школьным стадыёне, дзе амаль штодня праходзілі спартыўныя спаборніцтвы. На стадыён прыходзілі і нашы былыя выпускнікі, а цяпер студэнты педагагічных ВНУ, са сваімі ідэямі арганізацыі летняга адпачынку. Атрымлівалася такая цесная ўзаемасувязь: дзеці — выпускнікі — бацькі — настаўнікі. У выйгрышы ў выніку засталіся ўсе.

Эк­за­мен на вы­нос­лі­васць.

Эк­за­мен на вы­нос­лі­васць.

Так хочацца многае паспець!.. Не проста ўбачыць або дакрануцца, а самім стаць удзельнікам падзей — не толькі сваёй мясцовасці ці раёна, але і больш значных, больш маштабных. Калі ты актыўны, калі малады душой, то ўсё гэта табе па плячы — такое жыццёвае крэда ў нашага школьнага калектыву.

Так, з цэлым пакетам эмоцый і карысных спраў, мы развітваемся з летам і сустракаем восень, пачатак навучальнага года і 45-гадовы юбілей дзяржаўнай установы адукацыі «Пятрэвіцкі вучэбна-педагагічны комплекс дзіцячы сад — сярэдняя школа».

Аксана ЗАСАДЗІНСКАЯ, намеснік дырэктара па выхаваўчай рабоце Пятрэвіцкага ВПК дзіцячы сад — сярэдняя школа Навагрудскага раёна

Фота Наталлі ЮШКЕВІЧ

Загаловак у газеце: Нам ёсць што ўспомніць

Комментарии:
Оставлять комментарии могут только авторизованные посетители.